ရဲသော်မသေ သေသော်ငရဲမလား

ကုသိုလ်ကောင်းမှုပြုရာ၌ မှန်ရာကို ရဲရင့်စွာပြုရာ၏။ ရဲသော်မသေ သေသော်ငရဲမလားပေ။ ဘုရားက ထောက်ခံလျှင် လှေခွက်ချည်းကျန် အလံမလှဲနှင့်။ ရဲရဲရင့်ရင့် သတ္တိရှိရှိဖြင့်သာ ဆောင်ရွက်ရာ၏။ ဗုဒ္ဓဘာသာဝင်အမျိုးသမီးအချို့ တို့သည် ဥစ္စာဓနကိုမက်၊ တဏှာဖြင့် ရောယှက်၍ မောဟဖြင့်ဖက်ကာ မူဆလင်သူဌေးကတော်ဖြစ်ချင်လှ၍ လောက၏ထွတ်ခေါင် ကျေးဇူးတော်အနန္တနှင့်ပြည့်စုံတော်မူသော မြတ်စွာဘုရားကိုပင် ပြောင်ပြောင်တင်းတင်းပြစ်မှားမိကြကုန်၏။ သေတစ်ပန်ဆင်းရဲမက သံသရာဝဲသြဃမှာ နစ်မျောရရှာတော့မည်။ အူမ,မတောင့်ကြလို့ သီလတွေမစောင့်ကြပါလျှင် အချိန်တိုင်း လိုအပ်နေတဲ့ ဒုက္ခဘုံမှာ ဘယ်အချိန် သီလစောင့်ကြတော့အံ့နည်း။ ထောက်ချင့်လို့ တွေးကြပါကုန်၊ သေရက်တွေနီးလျက်သာ အပြစ်တွေ တောင်လိုပုံနေပေသည်။

အပြည့်အစုံသို့

ပြန်သိမ်းရန်

သတိ နှင့် ပညာ

သတိတရားသည် တည့်မတ်စွာ လျှောက်လှမ်းနိုင်ဖို့ အရေးကြီးသော သော့ဖြစ်၏။ မည်မျှ ကွေ့ကောက်ပိတ်ပင်ထားသော မောဟအမှောင်ထု ကိလေသာမုန်တိုင်းကြီးတွင်း ရောက်နေပါစေ  သတိဖြင့် စူးစိုက်ကြည့်ရှု၍ ပညာလက်နက်ဖြင့် ဖြိုခွင်းလိုက်ပါက အမှောင်ထု၏နောက်ကွယ်မှ အလင်းဓာတ်ကို မြင်ရမည်ဖြစ်ပေသည်။ ထို သတိ ပညာ နှစ်ပါးသည် ဒွန်တွဲပြီးနေရမည့်တရားများဖြစ်၏။ သတိက စူးစူးစိုက်စိုက် ကြည့်ရှုတတ်ပြီး ပညာက အပိုင်းပိုင်း ခွဲခြားတတ်သောကြောင့် သာမာန်အားဖြင့် မမြင်နိုင်သည့် မသေသဘော အမတဓာတ်ကိုပင် မြင်နိုင်လေသည်။

အပြည့်အစုံသို့

ပြန်သိမ်းရန်

ခက်ခြင်းနှင့်လွယ်ခြင်း

ခက်ခြင်းသည် တရားလေးပါးပျောက်နေခြင်းကြောင့် ဘာလုပ်လုပ်ခက်နေခြင်းဖြစ်၏။ တရားလေးပါးရှိပါက ဘာမဆိုလွယ်သွားတော့သည်။ ထို တရားလေးပါးမှာ- လုပ်ချင်သည့် စိတ်ဆန္ဒ၊ လုပ်တတ်သည့် ပညာ၊ အားထုတ်နေကျဖြစ်သော ၀ီရိယတရားတို့ဖြစ်၏။ ၎င်း စိတ်၊ ဆန္ဒ၊ ၀ီရိယ၊ ပညာဆိုသည့် အဓိပတိတရားလေးပါးသာ ထည့်လုပ်၊ ဘာလုပ်လုပ် လွယ်ကူပြီး အောင်မြင်မှာ သေချာပေသည်။

အပြည့်အစုံသို့

ပြန်သိမ်းရန်

အသိနှင့်အကျင့်

အကျင့်မပါသော အသိတရားများက မိမိကိုယ်ကို ဖျက်ဆီးဖို့သာ ဖြစ်နေတတ်၏။

အသိကို လိုက်မကျင့်လျှင် နောက်ဆုံး၌ သိသလိုလို မသိသလိုလိုနှင့် မသိသည်သာလျှင် ဖြစ်သွားတတ်သောကြောင့် အသိနှင့်အကျင့် ထပ်တူကျစေရန် ၀ိဇ္ဇာစရဏ သမ္ပန္နော- အသိရော အကျင့်ပါ ပြည့်စုံတော်မူသော ဘုရားရှင်ကိုယ်တော်မြတ်ကြီးကဲ့သို့ ကျင့်ကြံပွါးများအားထုတ်ကြရာ၏။

အပြည့်အစုံသို့

ပြန်သိမ်းရန်

ရန်ကိုရန်ချင်း မတုန့်ညှင်းနှင့်၊ မေတ္တာဖြင့်သာ အောင်မြင်ရာ၏...

ရန်ဟူရာ၌ သူတစ်ပါးမှ မိမိအားကျေနပ်မှုမရှိအောင် ပြုလုပ်ခံရခြင်း၊ လက်တုန့်ပြန်ချင်စိတ် ပေါက်အောင် မိမိ၏ဒေါသစိတ်တို့ကို နှိုးဆွပေးခြင်း၊ လိုချင်တာမရလို့ မကျေမနပ်ဖြစ်ရခြင်း စသည့် လောကဓံတရားများပင်ဖြစ်ပေသည်။

ထိုလောကဓံတရားများနှင့် ရင်ဆိုင်ရတိုင်း လောကဒဏ်ရာ ကိုယ်သာနာ၊ စိတ်မှာမနာနှင့် ဆိုသည့် မြတ်ဗုဒ္ဓ၏ အဆုံးအမတော်အတိုင်း ဓမ္မကိုနှလုံးသွင်းခြင်းဖြင့် ရင်ဆိုင်ရာ၏။ တစ်နည်းအားဖြင့် ပြောရလျှင် အကုသိုလ်တရားများနှင့် ရင်ဆိုင်ရသည့်အခါ ဒေါသမဖြစ်လိုက်ပါနှင့်။ ၀မ်းမြောက်လိုက်ပါ။ ငါ့၌ အကုသိုလ်အကျိုးပေး အကြွေးများကျေပြီ ဟူ၍ ၀မ်းမြောက်ရာ၏။ သည်းခံခြင်းထက် ကြီးမားသောထုထည်သည်ကား လောက၌မရှိပေ။ မြတ်သောအကျင့်၊ ဂုဏ်ယူဝင့်အောင်၊ မလွင့်သတိ၊ မြဲစွာရှိစေ၊ မိမိကိုယ်သာ၊ အားကိုးရာ။

အပြည့်အစုံသို့

ပြန်သိမ်းရန်

မြတ်သောအကျင့်တရား

သည်းခံခြင်းထက်လွန်သောတရားမည်သည် မရှိ။ သည်းခံခြင်းသည် မြတ်သောအကျင့် တရားဖြစ်ပေသည်။

သည်းခံခြင်းသည် နိဗ္ဗာန်ရောက်ကြောင်းတရား ပါရမီဖြည့်ကျင့်ရာ၌ အမိသည် သားသမီးတို့ကို အစဉ်သနားစောင့်ရှောက်သကဲ့သို့ တစ်ခြားသောပါရမီ (၉)ပါးတရားတို့အား မပျောက်ပျက်အောင် စောင့်ရှောက် ပေး၏။ ထိန်းပေးတတ်၏။ သည်းခံခြင်းတရား မရှိပါမူကား ကျန်သောပါရမီတရားများလည်း ပျက်စီး ပပျောက်တတ်ပေသည်။ ထို့ကြောင့် ခန္တီစ-သည်းခံခြင်းတရားကို အချိန်တိုင်း သတိကပ်၍ ဖြည့်ကျင့်ရာ၏။

အပြည့်အစုံသို့

ပြန်သိမ်းရန်

စိတ်ကောင်းနှင့်ယှဉ်

အများအကျိုးကို အစဉ်ဆောင်ရွက်နေသူတို့၌ စိတ်ကောင်းနှင့်ယှဉ်ပြီး လုပ်ဆောင်မှုကြောင့် မိမိ၏ ထိုထိုကောင်းမှုတရားတို့ကို မလုပ်ခင်မှာရော၊ လုပ်နေစဉ်မှာရော၊ လုပ်ပြီးသည့်အခါမှာရော ၀မ်းမြောက်ဝမ်းသာဖြစ်ရ၏။

အဖျက်တရားတို့နှင့်လည်း ကြုံတွေ့ရတတ်၏။ ထိုသို့ကြုံတွေ့ရသောအခါတွင် ကောင်းမွန်သောစိတ်အား မပျက်စီးစေရန် အရေးကြီးပေသည်။ စိတ်ကောင်းနှင့်သာ အမြဲယှဉ်ရာ၏။ အများအကျိုး၊ ရွက်သယ်ပိုးက၊ မဖဲ့စကောင်း၊ ကိုယ့်လမ်းကြောင်းကို၊ စိတ်ကောင်းနှင့်ယှဉ်၊ ရှေးရှုနှင့်လော့။(ကျေးဇူးတော်ရှင် ရွှေဟင်းသာဆရာတော်ဘုရားကြီး)

အပြည့်အစုံသို့

ပြန်သိမ်းရန်

ကုသိုလ်၊ အကုသိုလ်

ကုသိုလ်ကောင်းမှုတရားတို့၌ အမြဲမွေ့လျော်နေခြင်းသည် ကောင်းကျိုးချမ်းသာအဖြာဖြာတို့ ကိန်းဝပ်စည်ပင်နေခြင်းပင်ဖြစ်၏။

အကုသိုလ်တရားတို့၌ အမြဲမွေ့လျော်နေခြင်းသည်ကား ဆိုးကျိုးတရားတို့လာရောက်ရန် ဖိတ်ခေါ်နေခြင်းပင်ဖြစ်၏။ ကုသိုလ်ပြုနေသူကား မိမိကိုယ်ကို ချစ်သည်မည်၏။ အကုသိုလ်ပြုနေသူကား မိမိကိုယ်ကို နှိပ်စက်သည်မည်၏။ ထို့ကြောင့် ကောင်းမှုမြတ်နိုး၊ ကောင်းအောင်ကြိုး၍၊ ကောင်းကျိုးကိုယ်၌၊ တည်စေမင်း။

အပြည့်အစုံသို့

ပြန်သိမ်းရန်

လောကရဲ့ဒဏ် ကြံ့ကြံ့ခံ

လောကဓံတရားရှစ်ပါးဖြစ်သည့် လာဘ်ရခြင်း၊ လာဘ်မရခြင်း၊ အခြွေအရံပေါခြင်း၊ အခြွအရံ မရှိခြင်း၊ အချီးအမွမ်းခံရခြင်း၊ အကဲ့ရဲ့ခံရခြင်း၊ ချမ်းသာနှင့်ပြည့်စုံစွာနေနိုင်ခြင်း၊ ဆင်းရဲခြင်းနှင့် ရင်ဆိုင်ရခြင်းစသည့် လောကဓံတရားများသည် မလွတ်မလပ် ဒလစပ် ကြုံတွေ့ရသည်မှာ လောက၏ ဖြစ်စဉ်ဓမ္မတာပင်ဖြစ်ပေသည်။ ထိုသို့ အကောင်းလောကဓံ၊ အဆိုးလောကဓံ တစ်လှည့်စီ ရိုက်ခတ်နေကြရာ အကောင်းနှင့် ကြုံတွေ့ရလို့လည်း မမြောက်ကြွရာ၊ အဆိုးနှင့် ကြုံတွေ့ရလို့လည်း စိတ်ဓာတ်မကျလေရာ။

အကောင်းနှင့် ကြုံတွေ့ရခြင်းသည် ကုသိုလ်အကျိုးပေး ကုသိုလ်ခွေးကိုက်သည်မည်၏။ အဆိုးနှင့်ကြုံတွေ့ရခြင်းသည် အကုသိုလ်အကျိုးပေး အကုသိုလ်ခွေး ကိုက်သည်မည်၏။ လောကသဘောသက်သက် တွေ့ကြုံရမြဲဓမ္မတာပင်ဖြစ်သည်ဟူ၍ ဉာဏ်ဖြင့်ဆင်ခြင်ရာ၏။ အမြဲမရှိခြင်း အနိစ္စ၊ ဆင်းရဲခြင်းဒုက္ခ၊ အနှစ်သာရမရှိခြင်း အနတ္တသဘောတရားတို့သာ ထင်ရှားတွေ့မြင်ရမည်ဖြစ်၏။

အပြည့်အစုံသို့

ပြန်သိမ်းရန်

သဗ္ဗဒါနံ ဓမ္မဒါနံ ဇိနာတိ

အလှူအားလုံးတွင် တရားအလှူသည်သာအမြတ်ဆုံးဖြစ်ပေသည်။ သေခြင်းတရားထက် ဆင်းရဲမည်သည် မရှိ။ တရားသည်ကား မသေရာကို ညွှန်ပြခြင်းဖြစ်၏။ မသေရတာလောက် ချမ်းသာမည်သည် မရှိ။

ထို့ကြောင့် မသေရာသို့ ပို့ဆောင်ပေးသည့်တရားအလှူကား အမွန်မြတ်ဆုံးပင်ဖြစ်၏။

အပြည့်အစုံသို့

ပြန်သိမ်းရန်

နှလုံးသွင်းမှန်ဘို့ အရေးကြီး...

မြေပဲစံမထည့်ပဲ ဆီရအောင် ကြိတ်နေခြင်းသည် အချိန်သာကုန် လူပင်ပန်းရုံသာဖြစ်မည်။ ဆီကား ထွက်လာလိမ့်မည် မဟုတ်ပေ။

ဆိုလိုသည်ကား နှလုံးသွင်းမမှန်ပဲ တရားအားထုတ်ခြင်းသည် အချိန်ကုန် လူပင်ပန်ပြီး တရားရလိမ့်မည် မဟုတ်ချေ။

အပြည့်အစုံသို့

ပြန်သိမ်းရန်

သတိတရား လက်ကိုင်ထားကြ…

သတိဝေး ကလေးဖြစ်တော့သည်။

သတိသည် အသိကို ကြိုးကိုင်နေသော မိဘအရာဝင်ဖြစ်ချေ၏။
သတိ မပါသူ၏ အာရုံခံစားမှုသည် မျက် မမြင်ထမင်းစားရာ မစားသင့်သည် များကိုလည်း မမြင်တော့သည့်ပမာသာဖြစ်၏။
ကျေးဇူးတော်ရှင် မဟာဗောဓိမြိုင်ဆရာတော်ဘုရားကြီး

အပြည့်အစုံသို့

ပြန်သိမ်းရန်

သေသူနှင့်ရှင်သူ...

ကုသိုလ်မယူ၊ အသက်ရှူ၊ ထိုသူသေ၍ နေတော့သည်။

အကုသိုလ်ကိုယူ၊ အသက်ရှူ၊ သူလည်းသေ၍ နေတော့သည်။
ကုသိုလ်ကိုယူ၊ အသက်ရှူ၊ ထိုသူမသေ ရှင်တော့သည်။
ကျေးဇူးတော်ရှင်ဓမ္မဒူတဆရာတော်အရှင်ဆေကိန္ဒ

အပြည့်အစုံသို့

ပြန်သိမ်းရန်

နိဗ္ဗာန်မြင်အောင်...

ကိုယ့်ကိုယ်ကိုသာ အားကိုးပါ၊ မြတ်စွာဗုဒ္ဓ မိန့်မှာသည်။
သူတစ်ပါးကို အားကိုးလို့ ဘာဆိုဘာမှ မရပြီ။
ကိုယ်ကိုယ်ကိုသာ အားကိုးပါ၊ ခေမာနိဗ္ဗာန် ရောက်နိုင်သည်။

ဒါပဲတွေးတော့၊ ဒါပဲစဉ်းစားတော့၊ ဒါပဲရတာပေါ့။
စာပဲတွေးတော့၊ စာပဲစဉ်းစားတော့၊ စာပဲရတာပေါ့။
တရားပဲတွေးတော့၊ တရားပဲစဉ်းစားတော့၊ တရားပဲရတာပေါ့။
ဆရာတော်အရှင်အာစာရာလင်္ကာရ(နိုင်ငံတော်ဘွဲ့တံဆိပ် ၉-ဘွဲ့ရ)

အပြည့်အစုံသို့

ပြန်သိမ်းရန်

မတူညီခြင်းအကြောင်း...

လူချင်းမတူတာ ဘာကြောင့်လဲ။ ကံချင်းမတူလို့ပဲ။
ကံချင်းမတူတာ ဘာကြောင့်လဲ။ စိတ်ချင်းမတူလို့ပဲ။
စိတ်ချင်းမတူတာ ဘာကြောင့်လဲ။ အတွေးချင်း မတူလို့ပဲ။
ဆရာတော်အရှင်အာစာရာလင်္ကာရ(နိုင်ငံတော်ဘွဲ့တံဆိပ် ၉-ဘွဲ့ရ)

အပြည့်အစုံသို့

ပြန်သိမ်းရန်

တရားသဘော...

ရှိတဲ့တရားက ကျင့်တဲ့သူကို စောင့်ရှောက်သည်။

မရှိတဲ့တရားက ကျင့်တဲ့သူကို ဖျက်စီးသည်။
ဓမ္မဒူတဆရာတော်အရှင်ဆေကိန္ဒ

အပြည့်အစုံသို့

ပြန်သိမ်းရန်

မြန်မာကို ကမ္ဘာကလေးစားရေး...

ဖီလိုဆိုဖီခေါ် ဒဿနိကဗေဒသည် ဘ၀အကြောင်းနှင့် လောက အကြောင်းတို့ကို တွေးခေါ်ထားကြသည့် အတွေးအမြင်ဆိုင်ရာ ပညာဖြစ်သည်။ အနောက်တိုင်း ဒဿနိကပညာရှင်များသည် မောဟမျက်နှာဖုံးစွပ်လျက်နှင့် ပညတ်နယ်တွင် ဘ၀သစ္စာနှင့် လောကသစ္စာများကို ရှာဖွေနေကြရာ ယနေ့တိုင် မတွေ့ရှိကြသေး ပါ။

သူတို့ရှာကြံနေကြသော သစ္စာအမှန်တရားများအားလုံးသည် ဗုဒ္ဓ အဘိဓမ္မာတွင် အကုန်အရန်သင့်ရှိနေကြ၏။ မှန်ကန်ကြောင်း သိပ္ပံနည်းကျ လက်တွေ့ပြပြီးလည်းဖြစ်၏။ ဗုဒ္ဓအဘိဓမ္မာ ကမ္ဘာသိ အောင်လုပ်နိုင်လျှင် မြန်မာကို ကမ္ဘာကလေးစားလာရမည် ဖြစ်သ တည်း။
ဆရာကြီးဒေါက်တာမင်းတင်မွန်(ဓမ္မကထိက)

အပြည့်အစုံသို့

ပြန်သိမ်းရန်

မိုက်သူနှင့်လိမ္မာသူ...

မိုက်သူသည် မိမိလုပ်ငန်း မအောင်မြင်လျှင် တစ်ခြားသူများအပေါ် အပြစ်ဖို့၏။ ထို့ထက်လိမ္မာသူသည် မိမိကိုယ်ကိုမိမိ အပြစ်ဖို့၏။ အလိမ္မာဆုံးပုဂ္ဂိုလ်ကတော့ ဘယ်သူ့ကိုမှ အပြစ်မဖို့။
ဆရာတော်အရှင်ဇ၀န

အပြည့်အစုံသို့

ပြန်သိမ်းရန်

သစ္စာမသိရင်...

သစ္စာမသိတဲ့ ပုဂ္ဂိုလ်ရဲ့ နေမြဲအိမ်ဟာ အပါယ်လေးပါးဆိုတော့ သစ္စာမသိရင် ငရဲ၊ တိရစ္ဆာန်၊ ပြိတ္တာ၊ အသူတကာယ် ဒီလေးဘုံဟာ ကိုယ့်အိမ်နဲ့အလားတူပါပဲ။ သစ္စာမသိသူတွေ နေရမယ့်အိမ်၊ သွားရ မယ့်စခန်းပါပဲ။
ကျေးဇူးတော်ရှင်အောင်ဆန်းဆရာတော်ဘုရားကြီး

အပြည့်အစုံသို့

ပြန်သိမ်းရန်

အနိုင်အရှုံးဆိုတဲ့ အကျိုးအမြတ်

အနိုင်အရှုံးဆိုတဲ့ အကျိုးအမြတ်တွေတွက်ပြီး အငြင်းပွားနေကြရင် ဖြင့် စည်းလုံးညီညွတ်မှုပြိုကွဲမှာ မလွဲဧကန်ပါပဲ။ စည်းလုံးရေး ပျက် ပြားခဲ့တဲ့ သာဓကတွေလည်း အများအပြား ရှိခဲ့ဘူးကြပါပြီ။ နိုင်သူ

မှာလည်း နိုင်လို့ ရတက်မီးတွေပွား၊ ရှုံးသူမှာလည်း ဒုက္ခတွေများ၊ ဒီတော့ အနိုင်အရှုံးဆိုတဲ့ အကျိုးအမြတ်ရလိုမှုကို ဦးတည်ရင်ဖြင့် ငြိမ်းချမ်းရေးရဘို့ မလွယ်ကူပါဘူး။
ကျေးဇူးတော်ရှင်အောင်ဆန်းဆရာတော်ဘုရားကြီး

အပြည့်အစုံသို့

ပြန်သိမ်းရန်